An cuspóir uileghabhálach atá ag Cúnamh Éireann ná bochtaineacht, éagothroime agus eisiamh a laghdú sna tíortha sin den domhan atá i mbéal forbartha. Déantar gach ceann de ghníomhaíochtaí Chúnamh Éireann a mheas i gcoinne an méid a dhéanann sé chun bochtaineacht a laghdú agus i gcoinne dul chun cinn i dtreo bhaint amach na spriocanna forbartha atá leagtha síos ag an bpobal idirnáisiúnta.

Seo a leanas na hocht cinn de Spriocanna Forbartha na Mílaoise, ar aontaigh na NA orthu ag sraith de chruinnithe mullaigh idirnáisiúnta, agus cuireann siad in iúl na príomhchúiseanna atá le fíorbhochtaineacht sa domhan sa lá atá inniu ann agus tá siad mar bhonn is mar thaca leis na polasaithe agus na gníomhaíochtaí a bhíonn ar bun ag Cúnamh Éireann. Seo a leanas a éilíonn Spriocanna Forbartha na Mílaoise ar an bpobal idirnáisiúnta a dhéanamh:

• Fíobhochtaineacht agus fíor-ocras a dhíothú;
• Oideachas bunscoile a bheith ann do chách;
• Comhionannas inscne a chur chun cinn agus mná a chumhachtú;
• Mortlaíocht leanaí a laghdú;
• Sláinte máithreacha a fheabhsú;
• Comhrac i gcoinne VEID/SEIF, maláire agus galar eile;
• Inbhuaine comhshaoil a chinntiú;
• Comhpháirtíocht dhomhanda a chur ar bun don fhorbairt

Is léir nach féidir dul i ngleic le cúiseanna na bochtaineachta leo féin ach go gcaithfear dul i ngleic leis na saincheisteanna atá bainteach leo ionas gur féidir laghdú cuimsitheach iomlánaíoch trasearnálach ar bhochtaineacht a bhaint amach.

Is i gcomhthéacs Spriocanna Forbartha na Mílaoise, agus i gcomhthéacs na sainspriocanna leagadh síos chun go bhféadfaí iad a bhaint amach, a dhéantar na cinntí maidir leis an réimsí tosaíochta a roghnaíonn Cúnamh Éireann. Díríonn na hábhair a pléitear sa chuid seo den suíomh gréasáin 'Ár gCuid Oibre' ar na príomhréimsí earnálacha a dtéann clár Chúnamh Éireann i ngleic leo agus an chaoi a bhfuil baint ag na réimsí sin lena chéile.

Chun tuilleadh eolais a fháil maidir le Spriocanna Forbartha na Mílaoise téigh chuig: http://www.un.org/millenniumgoals/